Finss.az xəbər verir ki, JPMorgan Chase Co Avropadakı baş ofisini köçürmək imkanını araşdırır. Financial Times-ın məlumatına görə, bank Londonun Canary Wharf biznes rayonunda Riverside South göydələni üçün ərazinin inkişafı ilə bağlı ətraflı araşdırma aparır.

Hazırda JPMorgan-ın Avropa qərargahı eyni ərazidə – qlobal maliyyə böhranı zamanı müflis olmuş Lehman Brothers-ə məxsus binada yerləşir. Bank bu binanı Lehman-ın dağılmasından sonra almışdı, baxmayaraq ki, ilkin plan Riverside South layihəsinə əsaslanırdı.

Məlumata görə, Chase pərakəndə bankının fəaliyyətə başlaması və JPMorgan-ın Böyük Britaniyadakı biznesinin genişlənməsi mövcud qərargahın daha çox işçi yükü ilə üzləşməsinə səbəb olub. Bu məqsədlə bank Credit Suisse-in istifadə etdiyi başqa bir binanı da icarəyə götürüb.